ასტრონომებმა უკიდურესად შორი გალაქტიკიდან მომავალი რადიოსიგნალები აღმოაჩინეს

მეცნიერებმა სიგნალები გიგანტური რადიოტელესკოპით აღმოაჩინეს

---

მკვლევართა საერთაშორისო ჯგუფმა აღმოაჩინა რადიოსიგნალები, რომლებიც უკიდურესად შორი გალაქტიკიდან მოემართება.
აღნიშნული აღმოჩენილ იქნა ინდოეთში მდებარე გიგანტური რადიოტელესკოპის გამოყენებით.

ეს პირველი შემთხვევაა, როდესაც ჩვენ შევძელით ამ ტიპის სიგნალების აღმოჩენა, რომლებიც, სავარაუდოდ, შეიქმნა ატომური წყალბადის მიერ ვარსკვლავთწარმომქმნელ გალაქტიკაში, რომელიც 8,8 მილიარდი სინათლის წლითაა დედამიწისგან დაშორებული.

შემთხვევა განსაკუთრებით საყურადღებოა, რადგან ატომური წყალბადი არის ძირითადი საწვავი, რომელიც განაპირობებს ვარსკვლავების ფორმირებას, რაც იმას ნიშნავს, რომ კვლევა დაგვეხმარება გავიგოთ, თუ როგორ ჩნდებიან ვარსკვლავები დედამიწიდან მილიარდობით სინათლის წლით დაშორებულ გალაქტიკებში.

ასტრონომებმა ისარგებლეს გრავიტაციული ლინზირებით. ეს არის ფენომენი, როდესაც მასიური სხეული, რომელიც მდებარეობს წყაროსა და დამკვირვებელს შორის, როგორიცაა გალაქტიკა, ამრუდებს შორეული წყაროს მიერ გამოსხივებულ შუქს.

ცნობისთვის, გალაქტიკები სხვადასხვა სახის რადიოსიგნალებს ასხივებენ.
აქამდე მხოლოდ უახლოესი გალაქტიკების რადიოსიგნალების აღმოჩენა შეგვეძლო, თუმცა ამ ბუნებრივი ფენომენის (გრავიტაციული ლინზირების) წყალობით, შეგვიძლია აღმოვაჩინოთ სუსტი სიგნალები რეკორდულად შორი მანძილიდანაც კი.

Photo Via Futurism

---

ℹ️ თუ ასტრონომია, ტექნოლოგიები და მეცნიერება გაინტერესებთ, შემოგვიერთდით "ფეისბუქზე", "ინსტაგრამსა" და "ტვიტერზე" 💙 "მომავლის პოსტის" პოვნა შეგიძლიათ feedc-ზეც.

---