მსოფლიოში პირველად, ლაბორატორიული სისხლის ერითროციტების გადასხმის ტესტირება იწყება
ლაბორატორიაში დამზადებული სისხლის ერითროციტების ტრანსფუზიის ტესტირება
იწყება
ტესტირებამ, რომელმაც უნდა აჩვენოს, თუ რამდენ ხანს დარჩება სხეულში ერთი ჩაის კოვზი ლაბორატორიული სისხლი, შეიძლება მოახდინოს რევოლუცია სისხლის დაავადებების მქონე ადამიანების კლინიკურ ზრუნვაზე, რომლებიც საჭიროებენ სისხლის რეგულარულ ტრანსფუზიას (გადასხმას).
მსოფლიოში პირველი კვლევა, რომელიც დიდ ბრიტანეთში მიმდინარეობს, შეისწავლის ჩერდებიან თუ არა ლაბორატორიულად მიღებული ერითროციტები (სისხლის წითელი უჯრედები) ორგანიზმში წარმოქმნილ სისხლის უჯრედებზე (ერითროციტებზე) მეტ ხანს.
მიუხედავად იმისა, რომ ეს მცირე კვლევაა, ის წარმოადგენს „უზარმაზარ ტრამპლინს ღეროვანი უჯრედებიდან სისხლის წარმოებაში,“ - ამბობს ბრისტოლის უნივერსიტეტის უჯრედული ბიოლოგი ეშლი ტოი.
გადასხმის ჩასატარებლად, მკვლევართა ჯგუფმა შემოწირული სისხლიდან ღეროვანი უჯრედები განაცალკევა და აიძულა წარმოექმნათ მეტი ერითროციტები.
ეს არის პროცესი, რომელსაც დაახლოებით სამი კვირა სჭირდება.
წარსულში, მკვლევრებმა აჩვენეს, რომ შესაძლებელი იყო ლაბორატორიაში მიღებული სისხლის უჯრედების გადასხმა პირველადი სისხლის დონორზე.
ამჯერად, წარმოებული უჯრედები გადაუსხეს სხვა თავსებად ადამიანს.
ჯერჯერობით, მხოლოდ ორმა ადამიანმა მიიღო ლაბ.სისხლის წითელი უჯრედები მონიტორინგის ქვეშ და კლინიკურმა ჯგუფმა განაცხადა, რომ ,,გვერდითი ეფექტები ჯერ არ გამოვლენილა“.
ჯანმრთელი მოხალისეების სხეულში გადასხმის შემდეგ, წარმოებული უჯრედები, რომლებიც ეტიკეტირებულია სპეციალური საღებავით, მონიტორინგის ქვეშ იქნებიან სანამ სისხლის მიმოქცევის სისტემა არ გაცვეთს, შთანთქავს და გადაამუშავებს.
მკვლევრები იმედოვნებენ, რომ ლაბ.-ში წარმოებული უჯრედები დიდ ხანს იცოცხლებენ სისხლის მიმოქცევის სისტემაში.
ყოველ შემთხვევაში, ცხოველებზე ჩატარებულმა კვლევებმა სასურველი შედეგი აჩვენა.
ℹ️ თუ ასტრონომია, ტექნოლოგიები და მეცნიერება გაინტერესებთ, შემოგვიერთდით "ფეისბუქზე", "ინსტაგრამსა" და "ტვიტერზე" 💙 "მომავლის პოსტის" პოვნა შეგიძლიათ feedc-ზეც.
