1992 წელს გაყინული ემბრიონებიდან ტყუპები დაიბადნენ
„რიპ ვან ვინკლივით, რომელიც უბრალოდ იღვიძებს 30 წლის შემდეგ და არ იცოდა, რომ ეძინა.“
 |
| Photo Via CNN | Edited: Future Post (@futurepostge) |
რამდენიმე კვირის წინ, პორტლენდში მცხოვრებ წყვილს ტყუპი ვაჟი და ქალიშვილი გაუჩნდა, რომლებიც 1992 წელს, 30 წლის წინ გაყინული შემოწირული ემბრიონებიდან დაიბადნენ.
CNN-ის ცნობით, პორტლენდში, ორეგონელ წყვილს რეიჩელ და ფილიპ რიჯვეიებს შეეძინათ ორი „ნორმალური ზომის ბავშვი“ ემბრიონებიდან, რომლებმაც სიძველის გამო რეკორდი მოხსნეს.
„ამაში რაღაც განსაცვიფრებელია,“ - უთხრა ფილიპ რიჯვეიმ CNN-ს თავისი ტყუპების, ლიდიასა და ტიმოთის შესახებ.
„5 წლის ვიყავი, როცა ღმერთმა სიცოცხლე მისცა ლიდიასა და ტიმოთეს და მას შემდეგ ის ინარჩუნებს ამ სიცოცხლეს.“
„5 წლის ვიყავი, როცა ღმერთმა სიცოცხლე მისცა ლიდიასა და ტიმოთეს და მას შემდეგ ის ინარჩუნებს ამ სიცოცხლეს.“
ტიმოთი და ლიდია ოჯახის უკანასკნელი მატება გახლავთ. ოჯახში ახლა 6 ბავშვია.
ექვსი შვილის მამა ამბობს, რომ „რაღაც გაგებით, ისინი ჩვენი უფროსი შვილები არიან, მაშინაც კი, როცა ისინი ჩვენი ყველაზე პატარა ბავშვები არიან.“
როგორც მოხსენებაშია აღნიშნული, ემბრიონები თავდაპირველად შეიქმნა ინ ვიტრო განაყოფიერებისთვის (IVF) დაქორწინებული წყვილისთვის, კვერცხუჯრედის 34 წლის დონორის დახმარებით და გაიყინა 1992 წლის აპრილში.
ემბრიონები 2007 წლამდე თხევადი აზოტის ავზებში იყო მოთავსებული მინუს 93 გრადუსზე.
მიუხედავად იმისა, რომ საკმაოდ უცნაურია ემბრიონები, რომლებშიც სიცოცხლის პოტენციალია, შეიძლება სიცოცხლისუნარიანი დარჩეს ათწლეულების გასვლის შემდეგაც, არ არის უჩვეულო.
სანამ რიჯვეიებს ტყუპები გაუჩნდებოდათ, ბენ და ტინა გიბსონებს ქალიშვილი ემა და მოლი 2017 და 2020 წლებში შეეძინათ 1992 წელს გაყინული ემბრიონების საშუალებით.
„თუ თქვენ იყინებით თითქმის 200 გრადუსზე, ვგულისხმობ ნულის ქვემოთ, ბიოლოგიური პროცესები შენელდება თითქმის ნულამდე,“ - განუცხადა CNN-ს რიჯვეის ოჯახის ექიმმა დოქტორმა ჯონ გორდონმა.
„და ამიტომ, ალბათ, არ აქვს მნიშვნელობა დროს.”
განაყოფიერების სპეციალისტმა ჯიმ ტონერმა, ამ ეფექტის საილუსტრაციოდ გამოიყენა ძველი ამბავი.
„როგორც ჩანს, თხევად აზოტში შენახული სპერმა, კვერცხუჯრედი ან ემბრიონი არასოდეს განიცდის დროს“, - განუცხადა დოქტორმა ტონერმა CNN-ს.
„ისე ჰგავს რიპ ვან ვინკლს, რომელიც მხოლოდ 30 წლის შემდეგ იღვიძებს და არასოდეს სცოდნია, რომ ეძინა.“
ℹ️ თუ ასტრონომია, ტექნოლოგიები და მეცნიერება გაინტერესებთ, შემოგვიერთდით "ფეისბუქზე", "ინსტაგრამსა" და "ტვიტერზე" 💙 "მომავლის პოსტის" პოვნა შეგიძლიათ feedc-ზეც.
