მეცნიერები შიშობენ, რომ ჩერნობილში კატასტროფა განმეორდება

---

მწველი პრობლემა

---

უკრაინის ჩერნობილის ატომური ელექტროსადგური ათწლეულების წინ საშინელი რადიოაქტიური ავარიის შედეგად განადგურდა, მაგრამ აღმოჩნდა, რომ ბირთვული რეაქციები ახლაც მიმდინარეობს.

Science Magazine-ი იუწყება, რომ ელექტროსადგურის ნანგრევებში დამარხული ურანის საწვავის ნარჩენებმა ახალი ბირთვული გახლეჩის რეაქციებში დაშლა დაიწყო.😣

შესაძლო განმეორებითი კატასტროფის ფონზე, მეცნიერები მთელი ძალით ცდილობენ გაარკვიონ, ჩაქრება თუ არა რადიოაქტიური "ნახშირი" თავისით, თუ ვინმეს შესვლა და მათზე ზრუნვა მოუწევს.

» "ეს მწველ ნახშირს ჰგავს ბარბექიუს ორმოში", - განუცხადა Science-ს შეფილდის უნივერსიტეტის ბირთვულმა ქიმიკოსმა ნილ ჰაიტმა.

ბირთვული ელექტროსადგურების უსაფრთხოების ინსტიტუტმა (ISPNPP), ბირთვული უსაფრთხოების ორგანიზაციამ კიევში, უკრაინაში, დაადგინა, რომ უკონტროლო ბირთვული რეაქციების ძალა იზრდება. მაგრამ ეს ზრდა ნელა ხდება, ამიტომ ოფიციალურ პირებს კიდევ რამდენიმე წელი უნდა ჰქონდეთ, რათა ჯერ დაადგინონ, შესაძლებელია თუ არა კიდევ ერთი უბედური შემთხვევა მოხდეს და შემდეგ იპოვონ მისი თავიდან აცილების საუკეთესო გზა.

» "ბევრი რამაა გაურკვეველი, მაგრამ ჩვენ ვერ გამოვრიცხავთ ავარიის ალბათობას", - განუცხადა Science-ს NSP IS-ის თანამშრომელმა მაქსიმ საველიევმა.

---

იცხოვრე და ისწავლე

---

თუკი არსებობს სინათლის სხივი, არის ის, რომ ნებისმიერი ქმედება, რომელსაც ISPNPP და სხვა ოფიციალური პირები ჩერნობილში ახორციელებენ, შეიძლება იაპონიის ხელისუფლებას ფუკუშიმა დაიიჩის ატომური ელექტროსადგურის მართვაში დაეხმაროს, რომელიც 2011 წელს მომხდარი დიდი ავარიის შედეგად დაინგრა, აღნიშნავს Science.

არსებობს კიდევ ერთი "მაგრამ":

სანამ იაპონიის ხელისუფლება უკრაინისგან რაიმე გაკვეთილს გაიზიარებდეს, ჩერნობილში საქმე დასამთავრებელია, თუმცა ჯერ არც დაწყებულა.

ჩერნობილის "ქეისზე" მომუშავე პირები უნდა მივიდნენ აქტიურ ურანამდე, რომელიც ნანგრევების ქვეშაა ჩამარხული, ეს ნანგრევები კი დღემდე რადიოაქტიურია, რაც განსაკუთრებით ართულებს ამ დღითი დღე მზარდი პრობლემის მოგვარებას. 😶

ℹ თუ ტექნოლოგიური და სამეცნიერო თემები გაინტერესებთ, შემოგვიერთდით "ფეისბუქზე"💙

---

წყარო: Futurism